Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 610 Hüküm no: 962 Orijinal metin no: [78a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ali b. Mehmed’in Mehmed Ağa’dan alacaklı olduğu yolundaki iddiasını ispatlayamadığı Ma‘rûz; Vilâyet-i Anadolu’da Şorba kazâsı ahâlisinden olup hâlâ medîne-i Üsküdar’da Hasanağa mahallesinde sâkin Molla Ali b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde Mehmed Ağa b. Hasan Efendi muvâcehesinde târih-i i‘lâmdan bir sene mukaddem mezbûr Mehmed Ağa’nın babası gāib ani’l-meclis mezbûr Hasan Efendi kazâ-i mezbûrda nâibü’ş-şer‘ iken oğlu Mehmed Ağa kethudâsı olup gāibetü ani’l-beled Cennet bt. Ali nâm hatun benden mezbûr Mehmed Ağa’ya teşekkî ve mezbûr Mehmed Ağa beni kazâ-i mezbûr mahkemesine ihzâr ve bilâ-mürâfa‘a habsedip bi-gayrı hakkın yüz guruşumu ahz etmekle meblağ-ı merkūm yüz guruşu mezbûr Mehmed Ağa’dan hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân içün ba‘de’l-istimhâl ve’l-imhâl müddet-i mehl-i şer‘î tamam olup bir vechile beyâna kādir olmamağla talebiyle mezbûr Mehmed Ağa gıbbe’t-tahlîfi’ş-şer‘î mûcebiyle müdde‘î-i mezbûr Molla Ali da‘vâ-yı mezkûresiyle mezbûr Mehmed Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 22 min-Ra sene 1206