Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 611 Hüküm no: 964 Orijinal metin no: [78b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meczup olduğunu iddia ederek ailesi ve komşularını rahatsız eden Derviş Mehmed’in kefile bağlandığı Ma‘rûz; Sâdır olan fermân-ı âlîlerine imtisâlen izzetlü bostancıbaşı ağa tarafından ta‘yîn olunan mübâşir ve Üsküdar ustası hâzır oldukları hâlde Medîne-i Üsküdar’da Hasanağa mahallesi ahâlisinden İmâm el-Hâc Ahmed Efendi b. Mustafa ve eş-Şeyh Ahmed Efendi b. Mehmed ve Hüseyin b. Ali ve Hüseyin b. Mehmed ve Mehmed Çelebi b. İbrahim ve Ahmed b. Mehmed ve Ali b. Ahmed nâm kimesneler meclis-i şer‘a hâzırûn olup mahalle-i mezbûre sükkânından derûn-ı arzuhâlde isimleri mezkûr Derviş Mehmed, vâlidesi Fatıma’nın keyfiyet-i hâlleri ahâli-i merkūmûndan suâl olundukda mezbûre Fatıma Hatun kendi hâlinde ırzıyla mukayyed olup oğlu mezbûr Derviş kendini meczûb sûretine koyup vâlidesi merkūmenin nev be-nev celb-i mâl sevdâsıyla menziline duhûl ve ba‘zı eşyâsını ahz ü itlâfıyla vâlidesine ezâ ve tekdîrden hâlî olmamağla bi’d-defa‘ât kendiye taraf-ı zâbitândan tenbîh olunup mütenebbih olmadığından ma‘adâ târih-i i‘lâmdan iki üç gün mukaddem yine vâlidesi merkūmenin menziline duhûl, bana harçlık ver deyü ihâfe ve üzerine hücûm ve tazyîk ve tahzîrden hâlî olmayıp hâlâ mahalle-i mezbûrede sâkine zevce-i mutallakası Hafize bt. Mehmed ve mechûletü’l-ahvâl diyâr-ı âhardan ba‘zı nisâ tâifesiyle ahâli-i mahalle imzâsıyla işbu arzuhâli takdîm eylediler deyü bi’l-muvâcehe ihbârlarında mezbûrât dahi ahâli-i mahalle lisânından bizler arzuhâl eyledik deyü ikrâr etmeleriyle mezbûr Derviş Mehmed vâlidesi mezbûreye ber-vech-i muharrer tazyîk ve ta‘cîz etmeyip her vechile tahsîl-i rızâsında olmak üzere kefîle rabt birle re’y-i âlîlerine menût olduğu bi’l-iltimâs huzûr-ı âlîlerine i‘lâm olundu. Fî 23 min-Ra sene 1206