Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 612 Hüküm no: 966 Orijinal metin no: [78b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Salih’in Ömer b. Mustafa’ya olan borcunu taksitle ödeyeceği Ma‘rûz; Medîne-i Üsküdar’da Toptaşı nâm mahâlde sâkin Ömer b. Mustafa nâm kimesne mahfil-i bâbda meclis-i şer‘-i hatîrde Mehmed Salih b. Hüseyin nâm kimesne mahzarında bundan akdem âşûra tabh ve âhara bey‘ içün akd-i şirket ve sermâye olmak üzere yedine teslîm eylediğim yirmi yedi guruşu hâlâ fesh-i şirket etmemizle mezbûr Mehmed Salih’den taleb ederim deyü da‘vâ ol dahi cevâbında meblağ-ı merkūm zimmetinde deyni olduğunu ikrâr lâkin def‘aten edâya adem-i iktidârına binâen istimhâl eyledikde müdde‘î-i mezbûr Ömer târih-i i‘lâmdan beher hafta tamamında beşer guruşdan cem‘an beş hafta tamamına değin edâ etmek üzere mezbûr Mehmed Salih’i tecîl ve taksît eyledikde ol dahi ber-vech-i muharrer müeccelen ve mukāssatan edâya ta‘ahhüd eylediği bi’l-iltimâs huzûr-ı âlîlerine i‘lâm olundu. Fî. 28 min-Ra sene 1206