Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 612 Hüküm no: 967 Orijinal metin no: [78b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Feyzullah b. Mustafa’nın borcunu ödemesi Ma‘rûz; Medîne-i Üsküdar’da Selami mahallesinde sâkin es-Seyyid İbrahim b. Veliyüddin meclis-i şer‘-i hatîrde Feyzullah b. Mustafa mahzarında târih-i i‘lâm senesi Muharrem’inde mezbûr Feyzullah’ın talebiyle on beş guruş ücret kavliyle ordu-yı hümâyûnda kantarîlik hizmetinde beni istihdâm etmekle meblağ-ı merkūm on beş guruşu mezbûr Feyzullah’dan taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz edip bi’t-taleb mezbûr Feyzullah’a yemîn teklif olundukda nükûlüyle sâbit olmağın mûcebiyle meblağ-ı merkūm on beş guruşu müdde‘î-i mezbûr es-Seyyid İbrahim’e edâsıyla mezbûr Feyzullah’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Ra sene 1206