Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 620 Hüküm no: 981 Orijinal metin no: [79b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın oğlu Hüseyin’in kolunu kıran Eyüb ile sulh olduğu Ma‘rûz; Medîne-i Üsküdar’da Solaksinan mahallesinde sâkin ber-vech-i âtî sağ kolunun zira‘ı meksûr idiği lede’l-keşf ve’l-mu‘âyene zâhir olan Hüseyin nâm mürâhıkin anası ve veliyyesi mu‘arrefetü’z-zât Âişe bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde sinn ve cüssesinin bulûğa tahammülü olup bulûğunu mu‘terif olan Eyüb b. el-Hâc Ahmed mahzarında mezbûr Eyüb târih-i i‘lâm günü medîne-i mezbûrede Büyük İskele’de oğlum mezbûr Hüseyin’i bi-gayrı hakkın beni? darb edip darbından nâşi sol kolunun zirâ‘ı meksûr olmağla mûcib-i şer‘îsini taleb ve da‘vâ ve ba‘de’l-isbât ber’-i tam husûlüne tevkīf olunmuş idi el-hâletü hâzihî bâ-tavassut-ı muslihîn ben da‘vâ-yı mezkûremden mezbûr Eyüb ile bi’l-velâye üç guruş bedel-i makbûza sulh olup ol dahi sulh-ı mezbûru kabûl eyledi deyü mukırre-i mezbûre Âişe’yi ikrâr-ı meşrûhunda cârih-i mezbûr Eyüb tasdîk ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fi 22 min-Z sene 1205