Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 623 Hüküm no: 986 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım’ın muhâlaa yoluyla boşandığı kocasından talepte bulunmasına itibar edilmediği Ma‘rûz; Medîne-i Üsküdar’da Arakıyeci el-Hâc Cafer mahallesinde sâkine mu‘arrefetü’z-zât Ümmügülsüm bt. Ali nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı Saka Ahmed b. Mehmed nâm kimesne muvâcehesinde ben mezbûr Ahmed’in on guruş mehr-i müeccel tesmiyesiyle zevce-i menkûhası iken târih-i i‘lâmdan on gün mukaddem zimmetinde mütekarrir ve ma‘kūdun-aleyh olan mârrü’z-zikr on guruş mehr-i müeccelim ile nafaka-i iddet-i ma‘lûmem ve meûnet-i süknâm üzerlerine mezbûr Ahmed ile muhâla‘a olup gerek mehr-i müeccel-i merkūm on guruşdan ve gerek iddet-i nafakamdan ve meûnet-i süknâmdan dahi zimmetini kabûlü hâvî ibrâ-i âm ile ibrâ etmiş idim lâkin ibrâ-i mezkûruma ben nâdime olduğuma binâen mehr-i mezkûr on guruş ile bakıye-i iddet-i nafaka ve meûnet-i süknâmı zevc-i sâbıkım mezbûr Ahmed’den taleb ederim deyü müdde‘iye-i mezbûrenin ber-vech-i muharrer takrîri üzere tasaddî eylediği da‘vâsı meşrû‘a olmadığı bi’l-iltimâs huzûr-ı âlîlerine i‘lâm olundu. Fî 6 min-R sene 1206