Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 623 Hüküm no: 987 Orijinal metin no: [80b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ogida’nın ağabeyinin evinden aldığı kıymetli eşya ve parayı iade etmesi Ma‘rûz; Medîne-i Üsküdar’da Yenimahalle’de mütemekkin Kirkor v. Toros nâm zimmî medîne-i Üsküdar mahkemesinde meclis-i şer‘-i hatîrde kız karındaşı mu‘arrefetü’ş-şahs Ogida nâm Nasrâniye muvâcehesinde merkūme Ogida Nasrâniye târih-i i‘lâm günü mahalle-i mezbûrede vâki‘ bi-tarîki’l-müsâfere menzilime duhûl ve sandığım derûnunda mevcûd yirmi guruş kıymetli bir çift incili kuşak ve yedi guruşluk dört aded İslâmbol zer-i mahbûbu nısfiyesi ve otuz dokuz parayı ahz etmekle hâlâ taleb ederim deyü da‘vâ ve merkūme Ogida Nasrâniye cevâbında fi’l-hakīka müdde‘î-i merkūmun fuzûlî bir çift incili kuşağını [ahz] ve hâlâ yedinde mevcûd olduğunu ikrâr lâkin zikr olunan dört aded nısfiye ve otuz dokuz parayı inkâr etmeğin müdde‘î-i merkūm ber-vech-i muharrer ziyâde müdde‘âsını beyândan izhâr-ı acz birle bi’t-taleb mezbûre Ogida Nasrâniye gıbbe’t-tahlîfi’ş-şer‘î mûcebiyle müdde‘î-i merkūm ziyâde müdde‘âsıyla bilâ-beyyine mu‘ârazadan ba‘de’l-men‘ mertebe-i ikrârı olan bir çift incili kuşağı bi-a‘yânihâ müdde‘î-i merkūma teslîme merkūme Ogida Nasrâniye’ye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 16 min-Zilka‘de sene 1205