Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 624 Hüküm no: 989 Orijinal metin no: [80b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Birbirleriyle küfürleşen Mihal ile Dimitri’nin sulh oldukları Ma‘rûz; Medîne-i Üsküdar’a tâbi‘ Kuzguncuk karyesinde mütemekkin Mihal v. Yani nâm zimmî medîne-i mezbûrede mahfil-i bâbda meclis-i şer‘-i hatîrde Petro v. Dimitri zimmî muvâcehesinde merkūm Petro zimmî târih-i i‘lâm günü karye-i mezbûrede menzili kapısı önünde bi-gayrı hakkın boğazımı sıkıp ve mûcib-i ta‘zîr olur elfâz-ı kabîha ile şetm etmekle mûcib-i şer‘îsini taleb ederim deyü da‘vâ eyledikde ol dahi inkârından ma‘adâ müdde‘î-i merkūm dahi bana bi’l-muvâcehe kezâlik mûcib-i ta‘zîr olur elfâz-ı kabîha ile şetm etmekle mûcib-i şer‘îsini taleb ederim deyü her biri âhardan ba‘de’d-da‘vâ ve vukū‘ı’l-münâza‘a beynlerine muslihûn tavassut edip her birileri eyledikleri da‘vâlarından meccânen fâriğler olup husûs-ı mezkûra müte‘allika âmme-i de‘âvîden her biri âharın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 7 min-R sene 1206