Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 630 Hüküm no: 1000 Orijinal metin no: [81b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako v. İsak’ın kendisini yaralayan Bahçıvan Vasil ile bedeli karşılığında sulh olduğu Ma‘rûz; Mahmiye-i İslâmbol hısnı ebvâbından Balatkapısı dâhilinde mütemekkin olup ber-vech-i âtî sol kaşı üzerinden kantar topu yarasıyla mecrûh ve muvâzzahaten meşcûc idiği lede’l-keşf ve’l-mu‘âyene zâhir olan Yako v. İsak nâm Yahûdî medîne-i Üsküdar’da mahfil-i bâbda meclis-i şer‘-i hatîrde Bağçevân Vasil v. Nikola nâm zimmî muvâcehesinde merkūm Vasil zimmî medîne-i mezbûre hâricinde Yahûd maşatı kurbünde târih-i i‘lâmdan bir gün mukaddem ba‘de’l-asr kantar topu ile bi-gayrı hakkın amden sol kaşım üzerine darb ve cerh ve muvâzzahaten şecc etmekle mûcib-i şer‘îsini hâlâ taleb ederim deyü eylediği da‘vâsından bâ-tavassut-ı muslihîn on sekiz guruş bedel-i makbûza merkūm Vasil zimmî ile sulh olup cerh-i mezkûra ve mâ-yuhdesü minhe müte‘allika âmme-i de‘âvîden merkūm Vasil zimmînin zimmetini ol dahi bedel-i merkūma ve husûs-ı mezkûra müte‘allika âmme-i de‘âvîden müdde‘î-i merkūm Yako nâm Yahûdî’nin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 11 min-R sene 1206