Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 632 Hüküm no: 1003 Orijinal metin no: [81b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Mehmed’in alacaklı olduğu iddiasını ispatlayamadığı Ma‘rûz; Medîne-i Üsküdar’da Meyyitkapısı karşısında sâkin Manav Mehmed b. Hasan meclis-i şer‘-i hatîrde es-Seyyid İsmail b. Mustafa mahzarında mezbûr es-Seyyid İsmail ile gāibân ani’l-meclis karındaşı es-Seyyid İbrahim ve şerîki Çöter? zimmî yedimden istidâne ve kabz eyledikleri yüz guruş hakkımdan mezbûr es-Seyyid İsmail’in hissesine isâbet eden otuz üç guruş kırk akçeyi taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân edemeyip bi’t-taleb mezbûr es-Seyyid İsmail gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 2 min-Za sene 1205