Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 632 Hüküm no: 1004 Orijinal metin no: [81b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Köftüncü Lazari’nin alacaklı olduğu iddiasını ispatlayamadığı Ma‘rûz; Medîne-i Üsküdar’da Balaban İskelesi’nde Köftüncü Lazari v. Yorgi nâm zimmî mahfil-i bâbda meclis-i şer‘-i hatîrde Anaştaş v. Panayot nâm zimmî muvâcehesinde târih-i i‘lâmdan altı sene mukaddem merkūm Anaştaş zimmî yedine bi-tarîki’l-emâne vaz‘ ve teslîm eylediğim beher keyli yüz onar paradan altmış bir guruş yedi para kıymetli yirmi iki keyl beş vakıyye tohumu âhara bey‘le istihlâk etmekle hîn-i istihlâkde kıymeti olan altmış bir guruş yedi para hakkımı hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyândan izhâr-ı acz edip talebiyle mezbûr Anaştaş zimmî gıbbe’t-tahlîfi’ş-şer‘î mûcebiyle müdde‘î-i merkūm Lazari zimmîye da‘vâ-yı mezkûresiyle bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 13 min-R sene 1206