Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 632 Hüküm no: 1005 Orijinal metin no: [82a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahıskalı Yahudi İsak’ın Ekmekçi Simaden’in kardeşini beş yüz kuruşa sattığı yolundaki iddiasına itibar edilmediği Ma‘rûz; Ahıskalı Gürcü Yahûdîlerinden İsak v. İlya nâm Yahûdî medîne-i Üsküdar’da mahfil-i bâbda meclis-i şer‘-i hatîrde medîne-i mezbûreye tâbi‘ Kuzguncuk karyesinde Ekmekci Simaven v. Kazer nâm zimmî muvâcehesinde büyük karındaşım olup bundan akdem şeref-i İslâm ile müşerref olan İbrahim nâm kimesne beş seneden beri karye-i mezbûrede sâkin iken merkūm Simaven zimmî karındaşım mezbûr İbrahim’i gāib [ani]’l-meclis Yorgi nâm zimmîye beş yüz guruşa bey‘ edip ve karındaşım mezbûr dahi hâlâ Mısr-ı Kahire’de sâkin ve beni merkūm Simaven nâm zimmî içün beş yüz guruşa bey‘ etmişdir deyü bana bir kıt‘a mektûb irsâl etmekle karındaşım Müslim-i mezbûrun cümle semeni olan beş yüz guruşu bana versin yâhûd karındaşım mezbûru bana teslîm eylesin deyü tasaddî eylediği da‘vâsı meşrû‘a olmayıp merkūm Simaven zimmîye suâl dahi teveccüh etmediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 12 min-R sene 1206