Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 634 Hüküm no: 1008 Orijinal metin no: [82a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüsnü Beşe’nin borcunu ödemesi Ma‘rûz; Medîne-i Üsküdar hâricinde Çavuşbaşı Çiftliği’nde mütemekkin Rali v. İstoyan nâm zimmî medîne-i mezbûrede mahfil-i bâbda meclis-i şer‘-i hatîrde Hasan Beşe b. Ali nâm kimesne mahzarında mezbûr Hasan Beşe târih-i i‘lâmdan üç sene mukaddem yedimden iştirâ ve kabz eylediği bir tek kara sığır öküzü semeninden bâkī on guruş ve yine yedimden iştirâ ve kabz eylediği ma‘lûmü’l-vezn saman bahâsından altı buçuk guruş ve yine tarlasını ziraat etmek içün istîcâr eylediği bir çift öküz ücretinden bir günlük bir guruş ki cihât-ı mezkûreden cem‘an on yedi buçuk guruş zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on yedi guruşun müdde‘î-i merkūma edâsıyla mezbûr Hasan Beşe ilzâm olunduğu bi’l-iltimâs huzûr-ı âlîlerine i‘lâm olundu. Fî-selh-i Ra sene 1206