Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 635 Hüküm no: 1010 Orijinal metin no: [82a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abbas b. Hasan’ın borcunu ödemesi Ma‘rûz; Medîne-i Üsküdar’da Atpazarı’nda sâkin mekkârî tâifesinden es-Seyyid Hasan b. Mehmed medîne-i mezbûrede mahfil-i bâbda meclis-i şer‘-i hatîrde yine tâife-i mezbûreden Abbas b. Hasan mahzarında işbu sene-i mübârekede medîne-i Üsküdar’a kırk merhale olan Şâm-ı Şerîf’den hüccâc-ı Müslimîn ile avdetimizde mezbûr Abbas’ın seksen vakıyye bir yükünü? Şâm-ı Şerîf’den medîne-i mezbûreye gelince kırk guruş ücret tesmiyesiyle istikrâ ve bir aded dâbbeme tahmîl ve Şâm-ı Şerîf’den yirmi merhale mesâfe olan medîne-i Konya’da bi’r-rızâ beynimizde akd-i icâre[y]i feshetmemizle nısf-ı tarîka isâbet eden ücret-i müsemmânın nısfı olan yirmi guruş hakkımı hâlâ mezbûr Abbas’dan taleb ederim deyü ba‘de’d-da‘vâ ve’l-ikrâr mûcebiyle meblağ-ı merkūm yirmi guruş ücreti müdde‘î-i mezbûr es-Seyyid Hasan’a edâsıyla mezbûr Abbas ilzâm olunduğu bi’l-iltimâs huzûr-ı âlîlerine i‘lâm olundu. Fî 15 min-R sene 1206