Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 636 Hüküm no: 1012 Orijinal metin no: [82b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hanım’ın borcunu ödemesi Ma‘rûz; Medîne-i Üsküdar’da Selami mahallesinde sâkine mu‘arrefetü’z-zât Ümmügülsüm bt. Ali nâm hatun medîne-i mezbûrede meclis-i şer‘-i hatîrde kezâlik zâtı mu‘arrefe Nefise bt. Hüseyin nâm hatun muvâcehesinde mezbûre Nefise hatun târih-i i‘lâmdan iki sene mukaddem yedimden iştirâ ve kabz eylediği iki çevre ve iki entari ve iki gömlek semenlerinden otuz üç buçuk guruş zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz üç buçuk guruşun müdde‘iye-i mezbûreye edâsıyla mezbûre Nefise hatun ilzâm olunduğu bi’l-iltimâs huzûr-ı âlîlerine i‘lâm olundu. Fî 24 min-Ra sene 1206