Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 639 Hüküm no: 1017 Orijinal metin no: [83a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Ahmed’in Hamal Mehmed’in kendisini yaralayıp parasını aldığı yolundaki iddiasını ispatlayamadığı Ma‘rûz; Vilâyet-i Anadolu’da Kastamonu kazâsına [tâbi‘] Hayırdırlar? karyesi ahâlisinden olup medîne-i Üsküdar’da Selmanağa mahallesinde sâkin Saka Ahmed b. Mehmed mahfil-i bâbda meclis-i şer‘-i hatîrde Tosya kazâsına [tâbi‘] Eğincik karyesi ahâlisinden olup hâlâ medîne-i mezbûrede Balaban İskelesi’nde Hammâl Mehmed b. Hüseyin mahzarında târih-i i‘lâmdan altı ay mukaddem ben vilâyetimde iken mezbûr Hammâl Mehmed üç nefer refîkleriyle kazâ-i mezbûre hâricinde esnâ-i tarîkde gece giderken bi-gayrı hakkın sol kolum zirâ‘ından mezbûr Hammâl Mehmed bıçak ile darb ve nakden iki yüz guruşumu ba‘de’l-ahz cerrâh ve sâire mesârifim olan altmış guruş ki cem‘an iki yüz altmış guruşumu mezbûr Hammâl Mehmed’den taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp talebiyle mezbûr Hammâl Mehmed gıbbe’t-tahlîfi’ş-şer‘î mûcebince müdde‘î-i mezbûr husûs-ı mezkûrda mezbûr Hammâl Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-R sene 1206