Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 641 Hüküm no: 1021 Orijinal metin no: [83a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Mehmed’in Saka Ahmed’den para talep ettiği davasına itibar edilmediği Ma‘rûz; Vilâyet-i Anadolu’da Tosya kazâsına tâbi‘ Eğincik karyesi ahâlisinden olup medîne-i Üsküdar’da Balaban İskelesi’nde sâkin Hammâl Mehmed b. Hüseyin mahfil-i bâbda meclis-i şer‘-i hatîrde Kastamonu kazâsına tâbi‘ Hayırdırlar? karyesinden olup medîne-i mezbûrede Selmanağa mahallesinde Saka Ahmed b. Mehmed mahzarında târih-i i‘lâmdan altı ay mukaddem mezbûr Saka Ahmed kasaba-i mezbûrede Deli Bayrakdâr nâm kimesneye beni şekvâ, mezbûr Deli Bayrakdâr benden fuzûlî yüz elli guruşumu ahz etmekle mezbûr Saka Ahmed’den taleb ederim deyü takrîri üzere tasaddî eylediği da‘vâsı mesmû‘a olmadığı bi’l-iltimâs huzûr-ı âlîlerine i‘lâm olundu. Fî 11 min-R sene 1206