Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 641 Hüküm no: 1022 Orijinal metin no: [83a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koltukçu Ali’nin kendini iple asarak intihar ettiği Ma‘rûz; Bi’l-iltimâs kıbel-i şer‘-i şerîfden meb‘ûs Hafız Mehmed Emin Efendi dâ‘îleri medîne-i Üsküdar’da Sinanpaşa mahallesinde menzilinde nerdubânı başında kendiyi bir kıt‘a ip ile salb edip bi-kazâillâhi te‘âlâ maslûben katîl bulunan Koltukî Ali b. Ali nâm kimesnenin meyyiti üzerine varıp zevcesi Saliha bt. Mehmed nâm hatun ile ahâli-i mahalleden İmâm Cafer Efendi b. Mustafa ve Osman b. Hasan ve Mustafa Ağa b. Mehmed ve Mehmed Beşe b. Süleyman ve Ahmed Ağa b. Osman ve İbrahim b. el-Hâc Mehmed nâm kimesneler hâzır oldukları hâlde maslûb-ı mezbûrun a‘zâsına nazar olundukda darb ve cerh eserinden bir şey bulunmayıp târih-i i‘lâmdan altı ay mukaddemden berü kara sevdâ illetine mübtelâ olup kendide illet-i merkūme müşâhede olunup serserî geşt ü güzâr eylediğini ba‘de’l-ihbâr ancak maslûben vefât eylediğini ba‘de’l-keşf ve’l-mu‘âyene defnine izin birle vâki‘ hâli mezbûr dâ‘îleri mahâllinde ketb ü tahrîr ve ümenâ-i şer‘le meclis-i şer‘a gelip alâ-vukū‘ıhi inhâ eylediği bi’l-iltimâs huzûr-ı âlîlerine i‘lâm olundu. Fî 14 min-R sene 1206