Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 446 Hüküm no: 481 Orijinal metin no: [107a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Süleyman’ın vefât eden Emrullah’ın vârisi olduğu Ma‘rûz. Arzuhâl eden es-Seyyid Süleyman derûn-ı arzuhâlde mastûrü’l-ism Sipâhî Mehmed Efendi nâm hasm-ı şer‘îsi muvâcehesinde dâmâdı olup bundan akdem vefât eden es-Seyyid Mustafa li-ebeveyn karındaşım Emrullah’ın oğlu olmağla verâseti babası merkūm Emrullah’a ve zevcesi Râbia Hatun’a ve sagīre kızları Âişe ve Rukiye’ye münhasıra kable’l-kısme babası merkūm Emrullah dahi vefât etmekle verâseti li-ebeveyn karındaşı olmağla bana münhasıradır deyü ba‘de’d-da‘vâ ve’l-inkâr vech-i muharrer üzere verâsetini es-Seyyid Mahmud ve es-Seyyid Abdullah ve el-Hâc Ahmed b. Mahmud nâm kimesneler şehâdetleriyle vech-i şer‘î üzere isbât etmekle merkūm es-Seyyid Süleyman’ın verâsetine hükmolunduğu huzûr-ı âlîlerine i‘lâm olundu. Fî 7 Rebî‘ülevvel sene [1]143.