Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 648 Hüküm no: 1035 Orijinal metin no: [84b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe b. Mahmud’un borcunu ödemesi Ma‘rûz; Medîne-i Üsküdar’da Ayazma mahallesinde vâki‘ fırında Ekmekci Bedros v. Matos nâm zimmî mahfil-i bâbda meclis-i şer‘-i hatîrde Ali Beşe b. Mahmud nâm kimesne mahzarında târih-i i‘lâmdan beş ay mukaddem mezbûr Ali Beşe’nin bi-şarti’r-rücû‘ emriyle zevcesi gāibetü ani’l-meclis Âişe bt. Abdullah nâm hatuna on altı guruş on dört paralık nân-ı azîz vermemle meblağ-ı merkūm on altı guruş on dört parayı mezbûr Ali Beşe’den taleb ederim deyü da‘vâ, ol dahi ber-vech-i muharrer ikrâr ü i‘tirâf edip lâkin hâlen ve def‘aten edâya kudreti olmayıp tecîl ve taksîte tâlib olmağla müdde‘î-i merkūm dahi târih-i i‘lâmdan otuz beş gün tamamında edâ etmek üzere mezbûr Ali Beşe’yi bi’r-rızâ tecîl eylediğinde ol dahi meblağ-ı merkūmu ecel-i merkūm hulûlünde edâya ta‘ahhüd ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 25 min-R sene 1206