Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 651 Hüküm no: 1041 Orijinal metin no: [85a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekci Avakim’in Nefise Hanım’a olan borcunu ödemesi Ma‘rûz; Medîne-i Üsküdar’da Kefçe mahallesinde sâkinelerinden mu‘arrefetü’z-zât Nefise bt. Osman nâm hatun mahfil-i bâbda meclis-i şer‘-i hatîrde müsteciri Ekmekci Avakim v. Melkon nâm zimmî muvâcehesinde Büyük İskele kurbünde vâki‘ Hacı Osman Fırını demekle arîf bir bâb fırında merkūm Avakim zimmî müstecirim olup fırın-ı mezkûrun nısfı benim ve nısfı âharın olmağla benim hisseme isâbet eden beher şehr dörder buçuk guruşdan işbu târih-i i‘lâm senesi Saferi’l-hayr’ı gāyetine gelince dört ayda zimmetinde müctemi‘a olan on sekiz guruş ile gü[ze]şte? ücretinden bâkī iki buçuk guruş ki cem‘an yirmi buçuk guruş merkūm Avakim zimmî zimmetinde kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yirmi buçuk guruşu müdde‘iye-i mezbûre Nefise Hatun’a edâsıyla merkūm Avakim zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 6 min-R sene 1206