Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 653 Hüküm no: 1045 Orijinal metin no: [85a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Ağa b. İbrahim’in Seyyid Ali’den alacaklı olduğu yolundaki davasına itibar edilmediği Ma‘rûz; Medîne-i Üsküdar’da Tenbel el-Hâc Mehmed mahallesinde sâkin Halil Ağa b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid Ali b. el-Hâc Mehmed nâm kimesne mahzarında mezbûr es-Seyyid Ali’nin gāib ani’l-beled Hasan Ağa nâm kimesne zimmetinde cihet-i deyn-i şer‘îden alacak hakkı olan yüz kırk beş guruşunu medyûn-ı mezbûrun emriyle mezbûr es-Seyyid Ali’nin kendiye teslîm içün karındaşı gāib ani’l-beled es-Seyyid el-Hâc Ebûbekir nâm kimesneye def‘ ü teslîm etdikden sonra mezbûr es-Seyyid Ali meblağ-ı merkūm yüz kırk beş guruşu medyûn-ı mezbûr gāib Hasan Ağa’dan tekrar bir dahi ahz etmekle gāib-i mezbûr Hasan Ağa’nın emriyle gāib-i mezbûr es-Seyyid el-Hâc Ebûbekir’e def‘ eylediğim meblağ-ı merkūm yüz kırk beş guruşu mezbûr es-Seyyid Ali’den taleb ederim deyü takrîri üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 27 min-Rebî‘ülâhir sene 1206