Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 653 Hüküm no: 1046 Orijinal metin no: [85b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Serkiz v. Artin’in Mekkari Mardıros’dan alacaklı olduğu iddiasını ispatlayamadığı Ma‘rûz; Mahmiye-i İslâmbol’da Odunkapısı kurbünde mütemekkin Serkiz v. Artin nâm zimmî medîne-i mezbûrede mahfil-i bâbda meclis-i şer‘-i hatîrde mekkârî tâifesinden Mardıros v. Sertat muvâcehesinde târih-i i‘lâmdan beş sene mukaddem merkūm Mardıros zimmî vilâyet-i Anadolu’da medîne-i Kayseriye’den Üsküdar’a gelince râkibe olmak içün bir re’s bârgirini yirmi beş guruş ücret kavliyle anam gāibetü ani’l-beled Maryem Nasrâniye’ye îcâr ve ber-vech-i muharrer medîne-i mezbûreye geldikde alacak hakkı olan merkūm yirmi beş guruşun on guruşunu Kigork nâm zimmî yediyle kendiye edâ ve on beş guruşunu emriyle dâyini olan Arpacı es-Seyyid Bekir nâm kimesneye edâ etmiş iken merkūm Mardıros zimmî tekrar biz [bir] dahi deyn-i meblağ-ı merkūm yirmi beş guruşu medîne-i Kayseriye’de sâkine benim kız karındaşım Eva nâm Nasrâniye’den dahi ahz etmekle tekrar me’hûzu olan meblağ-ı merkūm yirmi beş guruşu istirdâd ederim deyü eylediği da‘vâsından anasından teberru‘an ol-mikdâr eylediği deynini mücerred oğlu olmamla merkūm Mardıros zimmîden taleb ederim deyü eylediği da‘vâsını tashîhe kādire olmamağla bi’l-iltimâs huzûr-ı âlîlerine i‘lâm olundu. Fî 27 min-R sene 1206?