Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 449 Hüküm no: 488 Orijinal metin no: [107b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bürüncekçi ve ibrişim bükücü Müslim ve Gayrimüslim esnafının ayrı ayrı teferrüç etmeleri Bâ-mühr-i hazret-i efendi. Ma‘rûz. Bürüncekçi ve ibrişim bükücü esnâfının arzuhâl eden Müslimânları meclis-i şer‘de esnâf-ı merkūmun keferelerinden Mihail ve Vasil ve Yanaki ve Sava ve Manuk ve sâirleri muvâcehelerinde nizâm-ı kadîmîmiz hırfetimiz teferrüc edip şâkird çıkarmak murâd eylediklerinde kefere tâifesi bizimle ma‘an teferrüc ve şâkird çıkarırlar iken bu def‘a kefere tâifesi bizimle teferrücden imtinâ‘ ederler deyü da‘vâ eylediklerinde kefere tâifesi cevâblarında fi’l-vâki‘ nizâm-ı kadîmîmiz vech-i meşrûh üzere olup lâkin ehl-i İslâm üstâ[d]ları harc ve sarf ve tahsîl olunan akçenin ekserini bize tahmîl ve ekl u şürbda rahatımız olmayıp ve ehl-i İslâm ve kefereden bazıları bir yere geldikde fesâda tasaddî edip perîşan-ı hâl olduğumuza binâen kethüdâlarımıza vereceklerimizi verip ba‘de’l-yevm ehl-i İslâm ile bir yere karışmayıp başka teferrüc etmek üzere emr-i şerîf-i âlîşân iltimâs eylediğimizi sâbıkā Bâb Nâibi Mehmed Emin Efendi’ye i‘lâm ettirdiğimizde i‘lâmı mûcebince amel olunmak için yedimize emr-i âlîşân ihsân olunmuşdur deyü takrîrlerine mutâbık emr-i şerîf-i âlîşân ibrâz edip muvâcehelerinde ba‘de’l-kırâe mazmûn-ı münîfi üzere esnâf-ı mezbûrun Müslimân üstâdları kefere tâifesinin teferrüclerine müdâhale etmemek üzere tenbîh olunduğu huzûr-ı âlîlerine i‘lâm olunduğu. Fî 9 Rebî‘ülevvel sene [1]143.