Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 451 Hüküm no: 492 Orijinal metin no: [108a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çıkrıkçı esnafından Ahmed’in nizâma aykırı hareket etmemeyi taahhüt ettiği Ma‘rûz. Çıkrıkçı esnâfından olup Mumcu Süleyman Beşe mübâşeretiyle Bâb Mahkemesi’ne ihzâr olunan Ahmed’in hasımları olan esnâf-ı mezbûrenin kethüdâları Mehmed ve Yiğitbaşı diğer Mehmed ve ihtiyârlarından mektûbü’l-esâmî on beş nefer bî-garaz Müslimîn meclis-i şer‘de mezbûr Ahmed muvâcehesinde kendi hâlinde olmayıp nizâm-ı kadîme muhâlif vaz‘ u hareket ve şütûm-ı galîza ile bize şetmedip dâimâ ızrâr üzeredir deyü her biri teşekkî eylediklerinde ol dahi fîmâ-ba‘d kendi hâlinde olup ve nizâm-ı kadîme mugāyir vaz‘ u hareket ve bir kimesneyi ızrâr etmemek üzere ta‘ahhüd eylediğinden mâ‘adâ taraf-ı şer‘den dahi tenbîh olunduğu tescîl ve bi’l-iltimâs huzûr-ı âlîlerine i‘lâm olundu. Fî 12 Rebî‘ülevvel sene [1]143.