|
Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 257 Hüküm no: 360 Orijinal metin no: [52b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
el-Hâc Mehmed’in borcu olduğu
Vilâyet-i Anadolu’da Bilecik nâm kasaba sâkinlerinden <> işbu bâ‘isü’l-kitâb el-Hâc Pîrî b. Süleyman nâm kimesne meclis-i şer‘-i şerîfde el-Hâc Mehmed b. Ali mahzarında üzerine da‘vâ ve takrîr-i kelâm edip mezbûr el-Hâc Mehmed zimmetinde yedinden müşterâ ve makbûz Bilecik yasdığı bahâsından zimmetinde altmış beş riyâlî guruş-ı kebîr hakkım vardır, suâl olunup alıverilmesi matlûbumdur dedikde gıbbe’s-suâl mezbûr el-Hâc Mehmed cevâbında fi’l-hakīka müdde‘î-i mezbûr el-Hâc Pîrî’ye vech-i muharrer üzere zimmetinde yasdık bahâsından altmış beş riyâlî guruş lâzımü’l-edâ ve vâcibü’l-kazâ deynim vardır deyü ikrâr u i‘tirâf edip ikrârı mûcebince meblağ-ı mezbûr altmış beş riyâlî guruşu merkūm el-Hâc Pîrî’ye edâ ve teslîm etmek üzere mezbûr el-Hâc Mehmed’e tenbîh olunup mâ-vaka‘a bi’t-taleb ketb olundu.
Fi’l-yevmi’t-tâsi‘ min-Cemâziyelâhire li-sene erba‘a ve sittin ve elf.
Şuhûdü’l-hâl: İbrahim Çelebi b. Davud, Rıdvan b. Abdullah, Ali Beşe b. Abdullah, çukadâr Pîrî b. Hüseyin, Halil b. Lütfi ve gayruhum mine’l-huzzâr.
|