Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 458 Hüküm no: 507 Orijinal metin no: [109b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeamet iltizamı davasında Yusuf’tan aldığı bedeli iâdeye Mehmed’e tenbih olunduğu Ma‘rûz. Sâhib-i arzuhâl Yusuf meclis-i şer‘de hasmı derûn-ı arzuhâlde mezkûrü’l-ism Mehmed mahzarında mezbûr Mehmed derûn-ı arzuhâlde mezkûr ze‘âmeti bin yüz kırk senesinde iki yüz on guruş bedel-i makbûza bana ilzâm ben dahi ber-vech-i muharrer iltizâm ve kabûl etmişidim lâkin ze‘âmet-i mezkûre sâhib-i evveline ibkā ve mahsûlâtından kat‘â bir nesne ahz u kabz etmemekle medfû‘um olan bedel-i mezkûru taleb ederim deyü da‘vâ ve mezbûr Mehmed cevâbında fi’l-hakīka meblağ-ı mezbûr iki yüz on guruş bedel-i iltizâmı ahz u kabzını ikrâr lâkin ze‘âmet-i mezkûre mahsûlâtından istîfâ etmişidi deyü def‘ ve def‘-i mezkûrunu isbâtdan izhâr-ı acz ile istihlâf etmeğin mezbûr Yusuf ba‘de’t-tahlîfü’ş-şer‘î bedel-i mezkûr iki yüz on guruşu müdde‘î-i mezbûra red ve teslîme mezbûr Mehmed’e tenbîh olunduğu huzûr-ı âlîlerine i‘lâm olundu. Fî 6 Rebî‘ülâhir sene [1]143.