Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 459 Hüküm no: 509 Orijinal metin no: [110a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miloş’un Pavlo üzerine açtığı alacak davasından men olunduğu Ma‘rûz. Muhzır Ahmed mübâşeretiyle Mahkeme-i Bâb’a ihzâr olunan Pavlo nâm zimmînin hasmı Miloş nâm zimmî meclis-i şer‘de merkūm Pavlo’ya târih-i i‘lâmdan yirmi gün mukaddem otuz guruş bi-tarîkı’l-emâne def‘ ve teslîm ol dahi yedimden ahz u kabz etmeğin taleb ederim deyü da‘vâ eyledikde ol dahi meblağ-ı mezbûru ber-vech-i muharrer kabzını ikrâr lâkin meblağ-ı mezbûr bilâ-ta‘ad hıfzımdan zâyi‘ oldu deyü def‘ ve merkūm Pavlo husûs-ı mezbûrda yemîn tasdîk olunur ümenâdan olmağın merkūm Pavlo tahlîf-i şer‘î ile ba‘de’t-tahlîf mûcebince müdde‘î-i mezbûr Miloş bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Bâkī fermân der-i adlindir. Fî 9 Rebî‘ülâhir sene [1]143.