Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 460 Hüküm no: 511 Orijinal metin no: [110a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Köprülüzâde Abdurrahman Paşa’nın eşi Râbia Hanım bt. Numan Paşa’nın mehrinin terekeden tahsili Ma‘rûz. Derûn-ı telhîsde mezkûrü’l-ism olan Köprülüzâde Abdurrahman Paşa’nın zevce-i menkûhası Râbia Hanım bt. el-merhûm Numan Paşa’nın vekîl-i sâbitü’l-vekâlesi Hüseyin Efendi meclis-i şer‘de müteveffâ-i müşârun-ileyhin li-eb er karındaşı Âsım Bey b. Abdullah Paşa hazretleri mahzarında müvekkilesi mûmâ-ileyhânın her biri iki buçuk guruş olmak üzere iki bin tuğralı altın mehr-i müecceli olduğunu hîn-i akde mevcûd olan udûl-i ricâlden Hâfız Mustafa Efendi b. Şa‘ban ve el-Hâc Abdullah b. Şa‘ban nâm kimesneler şehâdetleriyle vech-i şer‘î üzere ba‘de’l-isbât müvekkile-i mûmâ-ileyhâya irsâl olunan nâib dâ‘îleri menzilinde tahlîf-i şer‘î ile gıbbe’t-tahlîf terekesinden lâzım geldiği huzûr-ı âlîlerine i‘lâm olundu. Fermân hazret-i veliyyü’l-emrindir. Fî 11 Rebî‘ülâhir sene [1]143.