Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 898 Hüküm no: 1526 Orijinal metin no: [128a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Çavuş’un alacağı olduğu iddiasıyla açtığı davadan bedelsiz olarak vazgeçtiği Ma‘rûz Medîne-i Üsküdar’da Bulgurlu mahallesinde Süleyman Çavuş b. İbrahim meclis-i şer‘-i hatîrde Ebûbekir Ağa b. Yusuf mahzarında târih-i i‘lâmdan üç sene mukaddem mezbûr Ebûbekir Ağa’nın bi-şarti’r-rücû‘ emriyle karındaşı gāib ani’l-meclis Mehmed’e def‘ ü teslîm eylediğim on sekiz guruş ve gāib-i mezbûrun Akçaşehir kazâsından Üsküdar’da gelince râkib olduğu bârgirin ücreti olmak üzere mekkârîye def‘ ü teslîm eylediğim dokuz guruş ki cem‘an yirmi yedi guruşu mezbûr Ebûbekir Ağa’dan bi’l-mürâca‘a taleb ederim deyü müdde‘î-i mezbûr eylediği da‘vâsından bâ-tavassut-ı muslihîn meccânen fâriğ olup meblağ-ı merkūm yirmi yedi guruşa müte‘allika âmme-i de‘âvîden mezbûr Ebûbekir Ağa ile karındaşı mezbûr Mehmed’in zimmetlerini ibrâ ve ıskāt ol dahi ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 21 min-S sene 1207.