Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 904 Hüküm no: 1542 Orijinal metin no: [129a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mahmud’un satın aldığı lahana bedelinden Bahçıvan Manol’a borcu olduğu Ma‘rûz Mahmiye-i İslâmbol hâricinde Kemerler nâm mahâlde Bağçevân Manol v. Tarandafil nâm zimmî medîne-i Üsküdar’da mahfil-i Bâb’da meclis-i şer‘-i hatîrde el-Hâc Mahmud b. Mehmed muvâcehesinde mezbûr el-Hâc Mahmud târih-i i‘lâmdan iki ay mukaddem yedimden iştirâ ve kabz eylediği vezn ve fiyâtı beynimizde ma‘lûm lahana semeninden otuz sekiz guruş hakkımın on dört guruşunu yedinden ahz ve istifâ ve yirmi dört guruşu zimmetinde bâkī kalmağla taleb ederim deyü da‘vâ ol dahi ikrâr u i‘tirâf ve meblağ-ı bâkī-i merkūm yirmi dört guruşun dört guruşu işbu meclis-i şer‘de müdde‘î-i merkūma edâ ve teslîm ve yirmi guruşunu dahi hâlâ def‘aten edâya kudreti olmayıp tecîle tâlib olmağla müdde‘î-i merkūm dahi târih-i i‘lâm şehri gāyetinde edâ etmek üzere bi’t-taleb mezbûr el-Hâc Mahmud’u tecîl eylediğinde ol dahi ber-vech-i muharrer müeccelen edâya ta‘ahhüd edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-Ra sene 1207.