Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 908 Hüküm no: 1549 Orijinal metin no: [129b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Reis Yani’nin odun bedelinden alacağı olduğu iddiasını ispat edemediği Ma‘rûz Medîne-i Üsküdar’da misâfiren mütemekkin Reis Yani v. Kiryazi nâm zimmî medîne-i mezbûrede mahfil-i Bâb’da meclis-i şer‘-i hatîrde Hasan Ağa b. Hüseyin mahzarında mezbûr Hasan Ağa târih-i i‘lâmdan bir sene mukaddem mücâzefeten yedimden iştirâ ve kabz eylediği hatab semeninden elli beş guruş hakkımın kırk beş guruşunu yedinden ahz on guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyândan izhâr-ı acz birle bi’t-taleb mezbûr Hasan Ağa gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Hasan Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-Ra sene 1207.