Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 909 Hüküm no: 1550 Orijinal metin no: [130a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Salih’in sattığı at bedelinden alacağı olduğu Ma‘rûz Medîne-i Üsküdar’da Kādıasker mahallesinde sâkin es-Seyyid Salih b. İsmail medîne-i mezbûrede mahfil-i Bâb’da meclis-i şer‘-i hatîrde Yusuf b. Mehmed mahzarında mezbûr Yusuf târih-i i‘lâmdan yedi ay mukaddem yedimden iştirâ ve kabz eylediği bir re’s bârgir semeninden elli beş guruş hakkımın otuz guruşunu yedinden ahz ü kabz ve yirmi beş guruş zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı bâkī-i merkūm yirmi beş guruşun edâsıyla mezbûr Yusuf şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-Ra sene 1207.