Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 910 Hüküm no: 1552 Orijinal metin no: [130a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Seyyid Mehmed’in emanet parasını kendisine iade etmesi talebiyle Mehmed b. Hüseyin’e açtığı davada iddiasını ispat edemediği Ma‘rûz Medîne-i Üsküdar’da Büyük İskele’de Kayıkçı es-Seyyid Mehmed b. İbrahim mahfil-i Bâb’da meclis-i şer‘-i hatîrde Mehmed b. Hüseyin mahzarında târih-i i‘lâmdan iki ay mukaddem mâlımdan mezbûr Mehmed yine bi-tarîki’l-emâne vaz‘ ve teslîm eylediğim on beş buçuk guruş bir rub‘ hakkımı taleb ederim deyü da‘vâ mezbûr Mehmed cevâbında müdde‘î-i mezbûrdan bi’l-emâne on beş buçuk guruş bir rub‘ ahzını ikrâr lâkin dükkânımda mukaffel çekmecede iken te‘addî ve taksîrimiz benim akçe ile ma‘an serika olundu deyü ba‘de’d-def‘ ve’l-inkâr müdde‘î-i mezbûr es-Seyyid Mehmed te‘addîsini isbâtdan izhâr-ı acz edip tâlib-i tahlîf dahi olmamağla husûs-ı mezkûrda mezbûr Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 min-S sene 1207.