Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 913 Hüküm no: 1558 Orijinal metin no: [130b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabacı Sekyas v. Haçador’un sattığı bir çift öküz bedelinden alacağı olduğu iddiasıyla açtığı davada sulh olduğu Ma‘rûz Medîne-i Üsküdar’a tâbi‘ Kādı karyesinde mütemekkin Arabacı Sekyas v. Haçador nâm zimmî medîne-i Üsküdar[‘da] mahfil-i Bâb’da meclis-i şer‘-i hatîrde Hüseyin b. Ahmed mahzarında mezbûr Hüseyin târih-i i‘lâmdan dört sene mukaddem yedimden iştirâ ve kabz eylediği bir çift öküz semeninden ba‘de külli’l-hesâb otuz iki guruş zimmetinde bâkī kalmağla taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûz mukābilesinde mezbûr Hüseyin ile sulh olup ziyâde müdde‘âsı olan on iki guruşa ve bi’l-cümle husûs-ı mezkûra müte‘allika âmme-i de‘âvîden mezbûr Hüseyin’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine [i‘lâm olundu.] Fî 25 min-Ra sene 1207.