Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 913 Hüküm no: 1559 Orijinal metin no: [130b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Beşe’nin satın aldığı tarladaki karpuzdan ettiği zararın karşılanması talebiyle açtığı davada iddiasını ispat edemediği Ma‘rûz Medîne-i Üsküdar’da Selami mahallesinde sâkin Osman Beşe b. Hüseyin nâm kimesne medîne-i mezbûrede mahfil-i Bâb’da meclis-i şer‘-i hatîrde Ahmed b. Mahmud nâm kimesne mahzarında bundan akdem mezbûr Ahmed medîne-i mezbûreye tâbi‘ Bulgurlu karyesinde vâki‘ taht-ı icâresinde olan bostanında ekle salâhiyeti olmayıp kemâl bulmamış karpuz mahsûlünü yetmiş beş guruş semen-i makbûza bana bey‘ ve ben dahi ba‘de’l-kabûl mahsûl-i merkūmu âhara bey‘ eylediğimde yirmi dokuz guruş zarar ve noksân terettüb etmekle akd-i mezbûrun fesâdına binâen meblağ-ı merkūm yirmi dokuz guruşu istirdâd ederim deyü ba‘de’d-da‘vâ ve’l-istintâk mezbûr Ahmed cevâbında mahsûl-i merkūmu müdde‘î-i merkūma yetmiş beş guruş semen-i makbûza bey‘ini ikrâr lâkin mahsûl-i merkūmu hîn-i bey‘de ekle salâhiyeti ve kemâl bulmuş olduğu hâlde bey‘ etmişdim deyü eylediği def‘ini İbrahim Beşe b. Ali ve Hüseyin b. İbrahim nâm kimesneler şehâdetleriyle isbât etmeğin mûcibiyle müdde‘î-i mezbûr husûs-ı mezkûrda mezbûr Ahmed Beşe’ye bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 min-S sene 1207.