Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 914 Hüküm no: 1561 Orijinal metin no: [131a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Mehmed’in parasını çaldığı iddiasıyla Hüseyin’e açtığı davada iddiasını ispat edemediği Ma‘rûz Medîne-i Üsküdar’a tâbi‘ Bulgurlu karyesinde vâki‘ bekâr odasında sâkin İsmail b. Mehmed nâm kimesne medîne-i mezbûrede mahfil-i Bâb’da meclis-i şer‘-i hatîrde Hüseyin b. Halil mahzarında mezbûr Hüseyin târih-i i‘lâmdan bir gün mukaddem oda-i mezkûrede yasdığım altında mevcûd on guruşumu ahz etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle mezbûr Hüseyin bi’t-taleb gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Hüseyin’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Ra sene 1207.