Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 916 Hüküm no: 1563 Orijinal metin no: [131a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhzırbaşı Süleyman Ağa’nın alacağı olduğu Ma‘rûz Medîne-i Üsküdar’da Kefçe mahallesinde sâkin sâhib-i arzuhâl Muhzırbaşı Süleyman Ağa b. Ömer medîne-i mezbûrede mahfil-i Bâb’da meclis-i şer‘-i hatîrde arzuhâlde mezkûr Mehmed Ataullah Bey b. Ahmed mahzarında mezbûr Ataullah Bey bin iki yüz üç senesi Zilka‘de’sinin dokuzuncu günü târihiyle müverrah bâ-ferâğ-ı menzil yedimden istidâne ve kabz ve umûruna sarfla istihlâk eylediği bin beş yüz guruş ve yalı-i mezkûr ücretinden bâkī iki yüz yedi guruş ki cem‘an bin yedi yüz yedi guruş otuz para hâlâ zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr alâ mûcibi ikrârihî meblağ-ı mecmû‘-ı merkūm bin yedi yüz [yedi guruş] otuz paranın edâsıyla mezbûr Mehmed Ataullah Bey şer‘an ilzâm olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 17 min-Ra sene 1207.