Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 916 Hüküm no: 1564 Orijinal metin no: [131a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Mustafa’nın beş aylığına kiraya verdiği kahve dükkânıyla alakalı Hacı Receb’e müdahale etmekten men olunduğu Ma‘rûz Medîne-i Üsküdar’da Kefçe mahallesinde sâkin Kahveci Mustafa b. Ahmed medîne-i mezbûrede mahfil-i Bâb’da meclis-i şer‘-i hatîrde el-Hâc Receb b. Hicazî mahzarında târih-i i‘lâmdan yirmi gün mukaddem medîne-i mezbûrede Tabutcular sûkunda vâki‘ bir bâb kahve dükkânımı beş ay tamamına değin kendi ve gāib ani’l-meclis el-Hâc Feyyum nâm kimesne ile ma‘an sâkinler olmak üzere elli dört guruş ücret ile yedimden istîcâr ve kabûl edip lâkin gāib-i merkūmu iskân etdirmeyip ve dükkân-ı mezkûrun dahi bana lüzûmu olmağla fesh-i icâre birle dükkân-ı mezkûrdan ihrâc olunmasını taleb ederim deyü takrîr-i meşrûhu üzere tasaddî eylediği da‘vâsında müddet-i merkūme tamamına değin müdde‘î-i mezbûr husûs-ı mezkûrda mezbûr el-Hâc Receb’e hasm-ı şer‘î olmamağla bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 26 min-Ra sene 1207.