Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 471 Hüküm no: 535 Orijinal metin no: [112b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fazlı Beşe’nin açtığı davanın şer‘an geçerli olmadığı Ma‘rûz. Arzuhâl eden Fazlı Beşe meclis-i şer‘de hasmı olup derûn-ı arzuhâlde mezkûr üzüm değirmenini hâlâ sâhibi Derviş Mehmed Ağa’dan ber-mûceb-i temessük icâre-i sahîha ile istîcâr etmekle vâzı‘u’l-yed olan el-Hâc Ali Ağa mahzarında zikrolunan değirmeni sâhib-i evveli olan Çiçekçibaşı üç sene mukaddem bana îcâr etmeğin taleb ederim deyü tasaddî eylediği da‘vâsına şer‘an iltifât olunmamağın mezbûr Fazlı Beşe bî-vech mu‘ârazadan men‘ olunduğu huzûr-ı âlîlerine i‘lâm olundu. Fermân men-lehü’l-emrindir. Fî 21 Rebî‘ülâhir sene [1]143.