Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 928 Hüküm no: 1586 Orijinal metin no: [133b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Yusuf’un kendisine küfreden Ayşe bt. Veli aleyhine açtığı davada iddiasını ispat edemediği Ma‘rûz Medîne-i Üsküdar’da Debbâğlar mahallesinde sâkin Mustafa b. Yusuf medîne-i mezbûrede mahfil-i Bâb’da meclis-i şer‘-i hatîrde mu‘arrefetü’z-zât Âişe bt. Veli nâm hatun mahzarında târih-i i‘lâmdan üç gün mukaddem mahalle-i mezbûrede mezbûre Âişe Hatun bi-gayrı hakkın şütûm-ı galîza ile şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûre Âişe gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûre Âişe Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 15 min-R sene 1207.