Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 928 Hüküm no: 1587 Orijinal metin no: [133b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi’nin menzil kira bedelinden alacağı olduğu Ma‘rûz Medîne-i Üsküdar’a tâbi‘ Çenger karyesinde sâkin Mustafa Efendi b. Musa medîne-i mezbûrede mahfil-i Bâb’da meclis-i şer‘-i hatîrde müsteciri Hasan b. Ali mahzarında mezbûr Hasan târih-i i‘lâmdan üç sene mukaddem karye-i mezbûrede vâki‘ menzilimde beher şehr ikişer guruş ücret kavliyle müstecirim olup on bir ayda zimmetinde müctemi‘a olan yirmi iki guruş hakkımı taleb ederim deyü da‘vâ mezbûr Hasan cevâbında menzil-i mezkûrda beher şehr birer buçuk guruş ücret ile sâkin olduğunu ikrâr ziyâde yirmişer parayı inkârından mâ‘adâ müdde‘î-i mezbûrun müdde‘âsı olan on bir aylık on altı buçuk guruş icâreyi Subaşı Ahmed Ağa’ya edâ ve teslîm etmişdim deyü eylediği def‘ini beyâna kādir olamayıp talebiyle müdde-i mezbûr gıbbe’t-tahlîfi’ş-şerî mûcibiyle müdde‘î-i mezbûr ziyâde müdde‘âsını beyâna ba‘de’l-havâle mertebe-i ikrârı olan on altı buçuk guruşu müdde‘î-i mezbûra edâ ve teslîme mezbûr Hasan’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 7 min-R sene 1207.