Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 929 Hüküm no: 1588 Orijinal metin no: [133b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hayatizade Çiftliği Mültezimi Mehmed Haseki’nin alacağı olduğu Ma‘rûz Medîne-i Üsküdar hâricinde Hayatizâde Çiftliği’nin mültezimi Mehmed Haseki b. Hüseyin mahfil-i Bâb’da meclis-i şer‘-i hatîrde sığır kasabı Ahmed b. İbrahim mahzarında mezbûr Ahmed bundan akdem sığırlarını çiftlik-i mezkûr mer‘asında beher şehr altışar guruş ücret ile ra‘y etdirdip iki buçuk aylık on beş guruş ücret ile beynimizde ma‘lûm sığırların ziyânı için emriyle âhara verdiğim on iki guruş ki cem‘an yirmi yedi guruş hakkımı taleb ederim deyü da‘vâ mezbûr Ahmed cevâbında mezkûr sığırların iki aylık on iki guruş ücreti ile âhara medfû‘u olan on iki guruşu ikrâr ziyâde üç guruşu inkâr etmeğin müdde‘î-i mezbûr ziyâde müdde‘âsı’çün beyâna ba‘de’l-havâle mertebe-i ikrârı olan yirmi dört guruşun edâsıyla mezbûr Ahmed ilzâm olunduğu bi’l-iltimâs huzûr-ı âlîlerine i‘lâm olundu. Fî 15 min-R sene 1207.