Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 931 Hüküm no: 1593 Orijinal metin no: [134a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Dimo’nun kendisini bıçakla yaraladığı iddiasıyla Angeli’ye açtığı davada sulh olduğu Ma‘rûz Medîne-i Üsküdar’da Yenimahalle’de mütemekkin Duvarcı Dimo v. Tanaş nâm zimmî meclis-i şer‘-i hatîrde Angeli v. İsteryo nâm zimmî muvâcehesinde merkūm Angeli zimmî târih-i i‘lâmdan otuz sekiz gün mukaddem Vilâyet-i Anadolu’da Hersek kazâsında beni bi-gayrı hakkın başımın sol tarafına bıçak ile darb ve şecc edip hâlâ berî’-i tam hâsıl olup lâkin darb-ı mezkûrdan nâşi çene kemiklerine veca‘ târî olup ekl ve şürbüm asîr olmağla mûcib-i şer‘îsini taleb ederim deyü eylediği da‘vâsından bâ-tavassut-ı muslihîn sekiz guruş bedel-i makbûza sulh olup darb ve şecc-i mezkûra ve mâ yuhdesü-minhe müte‘allika âmme-i de‘âvîden merkūm Angeli zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-Za sene 1206.