Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 933 Hüküm no: 1596 Orijinal metin no: [134a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mekkari Mehmed’in kiraladığı atının sakatlanmasına sebep olduğu iddiasıyla Molla Hüseyin’e açtığı tazminat davasında iddiasını ispat edemediği Ma‘rûz Mekkârî tâifesinden Mehmed b. Hızır nâm kimesne medîne-i Üsküdar’da mahfil-i Bâb’da meclis-i şer‘-i hatîrde Molla Hüseyin b. Osman mahzarında mezbûr Molla Hüseyin târih-i i‘lâmdan on beş gün mukaddem Vilâyet-i Anadolu’da Tosya kazâsından Üsküdar’a gelince elli guruş kıymetli bir re’s doru bârgirimi on guruş ücret ile istîcâr ve esnâ-i râhda zikr olunan bârgire mu‘tâddan ziyâde eşyâ tahmîl ve mu‘tâddan ziyâde sürüp ol-vechile te‘addî ve taksîrinden nâşi zikr olunan bârgirin beli sakat olmağla mezbûr Hüseyin’den noksân kıymeti tazmîn olunmak matlûbumdur deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr Molla Hüseyin gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Molla Hüseyin’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 min-Ş sene 1206.