Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 933 Hüküm no: 1597 Orijinal metin no: [134a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. İsmail’in mehir ve nafaka bedeli olarak boşandığı kocasından alacağı olduğu Ma‘rûz Medîne-i Üsküdar’da Turbali mahallesinde sâkine mu‘arrefetü’z-zât Hanife bt. İsmail nâm hatun meclis-i şer‘-i hatîrde zevc-i mutallıkı Ahmed b. Veli mahzarında ben mezbûr Ahmed’in on guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan iki buçuk ay mukaddem beni tatlîk etmekle mezbûr zimmetinde mütekarrir ve ma‘kūdün-aleyh olan on guruş mehr-i mezkûrum ile bakiye-i nafaka-i iddet-i ma‘lûme ve meûnet-i süknâmı taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı mehr-i mezkûr on guruş ile bakiye-i nafaka-i iddet-i ma‘lûme ve meûnet-i süknâsı’çün bi’t-terâzî takdîr olunan bir buçuk guruş ki cem‘an on bir buçuk guruşun edâsıyla mezbûr Ahmed şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-Za sene 1206.