Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 938 Hüküm no: 1604 Orijinal metin no: [135a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Abdullah’ın borç verdiği Eskici Seyyid Hasan’dan alacağı olduğu Ma‘rûz Mahmiye-i İslâmbol’da Süleymaniye Câmi‘-i şerîfi kurbünde sâkine Hadice bt. Abdullah nâm hatun tarafından ber-vech-i âtî vekîl olduğu zât-ı mezbûreyi bi’l-mu‘arrefeti’ş-şer‘iye ârifân el-Hâc Ahmed b. Hüseyin ve es-Seyyid Mustafa b. Hasan nâm kimesneler şehâdetleriyle sâbit olan Hafız es-Seyyid Mustafa Efendi b. es-Seyyid Mehmed medîne-i Üsküdar’da mahfil-i Bâb’da meclis-i şer‘-i hatîrde Eskici es-Seyyid Hasan b. Abdülmümin mahzarında mezbûr es-Seyyid Hasan bundan akdem müvekkilem mezbûre Hadice yedinden bâ-temessük iktirâz ve kabz ve umûruna sarfla istihlâk eylediği seksen iki guruş hakkını bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm seksen iki guruşun edâsıyla mezbûr es-Seyyid Hasan ilzâm olunduğu bi’l-iltimâs huzûr-ı âlîlerine i‘lâm olundu. Fî 20 min-R sene 1207.