Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 939 Hüküm no: 1606 Orijinal metin no: [135b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Abdullah’ın sattığı don ve gömlek bedelinden alacağı olduğu Ma‘rûz Medîne-i Üsküdar’da Selami mahallesinden sâkine mu‘arrefetü’z-zât Hadice bt. Abdullah nâm hatun medîne-i mezbûrede mahfil-i Bâb’da meclis-i şer‘-i hatîrde kezâlik zâtı mu‘arrefe Fatıma bt. Mehmed Emin nâm hatun mahzarında mezbûre Fatıma Hatun târih-i i‘lâmdan iki ay mukaddem yedimden iştirâ ve kabz eylediği beynimizde ma‘lûm don ve gömlek semenlerinden otuz guruş hakkımın altı guruşunu yedinden ahz ü istifa ve yirmi dört guruş zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı bâkī-i merkūm yirmi dört guruşun edâsıyla mezbûre Fatıma Hatun şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 20 min-R sene 1207.