Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 941 Hüküm no: 1610 Orijinal metin no: [135b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Apostol v. Doroş’un sattığı zeytinyağı ve fasulye bedelinden alacağı olduğu Ma‘rûz Medîne-i Üsküdar’da Haccehatun mahallesinde mütemekkin Bakkāl Apostol v. Doroş nâm zimmî medîne-i mezbûrede mahfil-i Bâb’da meclis-i şer‘-i hatîrde Artin v. Kigork nâm zimmî muvâcehesinde merkūm Artin târih-i i‘lâmdan on ay mukaddem yedimden iştirâ ve kabz eylediği vezn ve fiyâtı beynimizde ma‘lûm revgan-ı zeyt ve fasulye semenlerinden on iki guruş otuz sekiz para hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını Anaştaş v. Yorgi ve İstati v. Pinharon nâm zimmîler şehâdetleriyle vech-i şer‘î üzere isbât etmeğin mûcibiyle meblağ-ı merkūm on iki guruş otuz sekiz parayı müdde‘î-i merkūma edâ ve teslîme merkūm Artin zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Ra sene 1207.