Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 941 Hüküm no: 1611 Orijinal metin no: [135b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe’nin hamamda paralarını çaldıkları iddiasıyla Bulgurlu hamamcılarına açtığı davayı ispat edemediği Ma‘rûz Medîne-i Üsküdar’a tâbi‘ Bulgurlu karyesinde sâkin Ali Beşe b. Mehmed nâm kimesne mahfil-i Bâb’da meclis-i şer‘-i hatîrde karye-i mezbûre hamamcısı Hüseyin b. İbrahim ile Ömer b. Abdullah ve diğer Ömer b. Mehmed ve Süleyman b. Mehmed ve Hasan b. Ali nâm kimesneler mahzarlarında târih-i i‘lâm günü mezbûr Hüseyin’in gasl için hamamına girip entarimin koynunda kese derûnunda mevcûde cem‘an kıymetleri kırk beş guruşa bâliğa yedi aded zer-i mahbûb-ı İslâmbolî ve bir aded Venedik altını ve iki yüzlük ve iki rub‘iyye ve bir nısfiye altını ve elli paramı ahz etmeleriyle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp bi’t-taleb mezbûrûndan herbiri gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-R sene 1207.